ស្រួល​ម៉ង់! ​កម្ពុជា​នឹង​មាន​រថ​ភ្លើង​ល្បឿន​បំផុត​ពី​ភ្នំពេញ​ទៅ ​សៀមរាប ​ជិះ​មិន​ដល់ ២​ម៉ោង

ស្រួល​ម៉ង់! ​កម្ពុជា​នឹង​មាន​រថ​ភ្លើង​ល្បឿន​បំផុត​ពី​ភ្នំពេញ​ទៅ ​សៀមរាប ​ជិះ​មិន​ដល់ ២​ម៉ោង

កម្ពុជា ​នឹង​មាន​ផ្លូវ​វ​រថភ្លើង​ល្បឿន​លឿន​ពី​ភ្នំពេញ​ទៅ ខេត្ត​សៀមរាប ហើយ​បន្ត​ដល់​ប៉ោយប៉ែត ក្នុង​ខេត្តបន្ទាយមានជ័យ និង​ពី​ភ្នំពេញ​ទៅ​កាន់​ព្រំដែន​កម្ពុជា-វៀតណាម ក្រុង​បាវិត​ខេត្ត​ស្វាយ​រៀង។ នេះ​បើ​តាម​លោក​ ស៊ុន ចាន់ថុល រដ្ឋមន្ត្រី​ក្រសួង​សាធារណការ​បាន​បញ្ជាក់។

បច្ចុប្បន្ន​ផ្លូវ​រថភ្លើង​នៅ​កម្ពុជា មិន​អាច​រត់​ក្នុង​ល្បឿន​លឿន​នៅ​ឡើយ​ទេ ដោយ​សារ​មិន​ទាន់​ស្រប​តាម​ស្តង់ដារ​អន្តរជាតិ ពោល​គឺ​ប្រវែង​ទទឹង​ត្រឹម​តែ​១​ម៉ែត្រ។ ប្រសិន​បើ​ចង់​រត់​ក្នុង​ល្បឿន​លឿន​ត្រូវ​ពង្រីក​ឲ្យ​បាន ១.៤៣៥​ម៉ែត្រ​ទើប​ស្រប​តាម​ស្តង់​ដារ​អន្តរជាតិ។ ដូច្នេះ​ហើយ​ទើប​មាន​ក្រុម​ហ៊ុន​ឯក​ជន ស្នើ​សុំ​សិក្សា​ផ្លូវ​រថភ្លើង​ល្បឿន​លឿន​ពី​ភ្នំពេញ​ទៅ​សៀមរាប និង​ទៅ​​ក្រុង​បាវិត ដែល​មាន​ទទឹង​ផ្លូវ​ប្រវែង​១.៤៣៥​ម៉ែត្រ។ យ៉ាង​ណា​ក្ដី រដ្ឋាភិបាល​នៅ​មិន​ទាន់​ឯកភាព​ឡើយ ប៉ុន្តែប្រសិន​ក្រុមហ៊ុនឯកជន​សាងសង់​ផ្លូវដែកជាប្រភេទ BOT នោះប្រាកដជាឯកភាពមិនខាន។

​បច្ចុប្បន្ន​នេះ ​កម្ពុជា​ប្រើ​រថ​ភ្លើង​មធ្យម ​ដោយ​អាច​បើក​បាន​៦០​គីឡូម៉ែត្រ​ក្នុង​១​ម៉ោង ​ប៉ុន្តែ​ទៅ​កំពង់សោម​បើក​បាន​ដល់​៩០​គីឡូម៉ែត្រ​ក្នុង​១​ម៉ោង។ ​សម្រាប់​ផ្លូវ​ទៅ​សៀមរាប​វិញ ​តាម​គម្រោង​ត្រូវ​យក​រថ​ភ្លើង​ល្បឿន​លឿន​បើក​បាន​ជាង​១០០​គីឡូម៉ែត្រ ​ឬ​២០០​គីឡូម៉ែត្រ ​ទើប​ត្រូវ​តាម​ស្ដង់ដារ៕

286 Views