គយប៉ោយប៉ែត ចាប់ឡានចង្កូតស្តាំ អត់ពន្ធ

ក្រុងប៉ោយប៉ែត៖
ចាប់រថយន្តចង្កូតស្តាំ លួចបន្លំស្លាកលេខ ត្រូវបានគយចល័តបង្រ្កាប នៅបរិវេណផ្សារអគ្គៈ ក្រុងប៉ោយប៉ែត ។ ប្រតិបត្តិការនេះ បានកើតឡើងនៅវេលាម៉ោង ០៩.២០នាទី ក្នុងថ្ងៃទី ២១ ខែធ្នូ ឆ្នាំ២០១៨ ស្ថិតក្នុងភូមិបាលិលេយ្យ ១ សង្កាត់ និងក្រុងប៉ោយប៉ែត ខេត្តបន្ទាយមានជ័យ ។

លោក សាំង ណន មេគយចល័តសាខាក្រុងប៉ោយប៉ែត បានប្រាប់សារព័ត៌មានយើងឱ្យដឹងថា ៖ ក្នុងការបង្រ្កាបរថយន្តចង្កូតស្តាំ លួចបំពាក់ស្លាកលេខ ចង្កូតស្តាំ kpc 2431 សេ៊រីឆ្នាំ ២០១៤ ដែលអត់ពន្ធនេះ ។ ខាងជំនាញលោក បានធ្វើការត្រួតពិនិត្យ ឃើញថា មានការក្លែងបន្លំ មិនត្រឹមត្រូវនោះឡើយ ។
លោកបានបន្តទៀតថា ៖ ចំណែកម្ចាស់រថយន្តខាងលើនេះបានសារភាពថា រថយន្តរបស់ខ្លួនអត់ពន្ធ និងបានក្លែងដាក់ស្លាកលេខចង្កូតស្តាំពិតប្រាកដមែន ។

លោកបានបញ្ជាក់បន្ថែមទៀតថា ៖ ចំពោះរថយន្តខាងលើនេះ ត្រូវបានបញ្ជូនទៅ សាខាគយ និងរដ្ឋាករខេត្តបន្តទៅតាមនីតិវិធីតាមច្បាប់ ៕

82 Views